主页 > 信息奥秘 >[摄影 GOSSIP] 翻兜菲林摄影甚幺原因?数码摄影狂影没 >

[摄影 GOSSIP] 翻兜菲林摄影甚幺原因?数码摄影狂影没

2020-05-22

[摄影 GOSSIP] 翻兜菲林摄影甚幺原因?数码摄影狂影没

[HOT GOSSIP | 公子讲嘢] 是月也:空悲切!

原载《摄影杂誌》PHOTO MAGAZINE 10-2012 #307, 经过删节

[摄影 GOSSIP] 翻兜菲林摄影甚幺原因?数码摄影狂影没

135全片幅的数码相机已愈来愈多,这个片幅话晒都係上世纪经历超越50年嘅普及菲林格式,因为佢既细小,但又有足够嘅画质,係好平衡嘅摄影片幅,所以能极度流行,有几流行?君不见家下人人讲焦距时都係用135嘅标準咩?就算係120中幅,我地都係会用番135嚟讲,方便沟通。虽然数码相机最终都係睇像素,但如果有经验,都会不难发现,APS-C嘅1,000万像素净讲放大计,其实已经可以超越135菲林嘅画质 ( 唔好同公子拗乜嘢菲林味!),2,000万像素已经係一倍,如是135片幅嘅影像感应器则会更少杂讯,更靓更细緻,所以120菲林也能超越,起码公子可以好肯定,係我地呢啲A4~A3嘅出版上已经够晒!既然135 片幅流行番, 甚至有好似Nikon D850嘅46MP像素,画质高到有排用,如果仍然有人以画质作为使用回135菲林嘅理由,恐怕好难成立。不过,历史告诉我们,人係好得意,凡係有一种东西流行了普及了,总会有人排斥并宁选择一些非主流的、小众的、甚至无人再用嘅方式来进行拍摄,如以往135菲林流行,就会有人并非拍摄工作需要而用120、4X5,还嫌不够就8X10或更大片,但永远唔捨得放大机,睇菲林就满足;当玩高画质大底嘅人多咗时,又会有人出来再反转,用当时已经无人用的垃圾级苏联相机,咪就係Lomo啰,玩到真Lomo都无晒就玩toy camera,香港厂大陆产的Holga可以红到去法国庞比度中心;呢个Pattern係数码年代係再嚟一次循环,推番Yashica出来做「传奇相机」,真係见怪不怪。公子重申,绝对唔係反对大家玩菲林或者玩啲小众嘢,但同好多摄影人一样,好怕有啲玩呢类嘢嘅人批评用普及的数码相机就等于对摄影儿嬉和对摄影不够认真,尤其有菲林摄影导师指用数码相机的人往往就是不加思考、不够严谨,甚至是毫无价值。公子认为,只要影像里面有内容,用手机拍都无所谓,更重要是里面传达的讯息,你看几多新闻影像都係「Citizen Journalist」拍,影响可以几深远,无思考?不认真?无价值(讯息)?唔係啩?!事实係好多由数码开始玩摄影嘅年青人都受到近年这一股反其道而行嘅文化影响,对一啲已落后嘅科技觉得好得意,但如果真係觉得用菲林够麻烦,甚至要用大底机慢慢对焦,先等于有思考,咁就真係几好笑。嗱!用数码相机,你都可以唔使咁急,忍住唔好揿快门掣,装埋快门绳,手动对焦,入番张20年前32Mb的记忆卡,影一幅相换一次卡,然后你去思考啦,都一样啩……。咁样影相就等于认真有思考,公子真係唔知乜道理,有啲相要快Snap,落后嘅摄影科技係影唔到就影唔到,何况就算影菲林,过去不少大师影十年八年嘅相,底片已经要买三四个File柜嚟储存,绝对大量咁影,又唔够认真乎?以前冇得拣,就算係手动过片,都係一张张係咁去,闲闲地都换三四筒菲林,咁唔通啲大师又係冇思考?


上一篇:
下一篇: